ىک جيگا شي بؤن

تۊ کؤره شي ايسي؟ کرجˇشي، تئرؤنٚˇشي، رشتˇشي، لاىجؤنˇشي، سياکلˇشي. راستش مۊ نؤنم کؤره شي ايسم! کرجˇشينم، ،تئرؤنˇشينم، رشتˇشينم، لاىجؤنˇشينم، سياکلˇشينم.

اهلˇ ىک جيگا شي بؤن خوبه. يجيگا دۊنىا أيي، ىجيگا پيله بي، ىک جيگا عاشقأبي، ىک جيگا تي شادي ؤ غۊصه ديني. اهلˇ ىک جيگا شي بؤن خوبه. ىک جيگا شي کي ببي دؤني، ىک جيگا زندگي کۊني ، ىک جيگا کوچه خيابؤنأنˇجي ؤ دار ؤ ديوارˇجي و آدمؤنˇجي ديل دودي ؤ خاطره تلمبار کۊني و دؤني تي سرنوشت، تي بۊگذشته رۊزگار و تي اينده؛ تي خشت-خشتˇ شأر أجي تۊشکه بخؤرده دأنه.

رشته دۊست دأنم. تصميم بئته بۊم هميشگ ره بشم رشت امما ترديد دکتم و شؤن ؤ ايسأنˇ مئن دماستم. اي چار-پنج سالˇ مئن گاهي ايطرف ايسأم، گاهي اۊطرف. خأنم يطرفه واوينم. خأنم يک جيگا شي ببۊم

۱۵۸۹ آول ما. 3