گب

وارش زدره. اي چندروز مئن اي دؤوؤم دفعه ايسه کي وارش زدره. البت وارش کي نه، هچي خۊره اسم بندؤني وارشه، دئه وارشأم ببو أمي ناجه. زمين-و-زمانه خۊشکي بئته و اي آب و هوا أم دئه دميشکˇ آب و هوا نيه. خئلي دارؤن و واشؤنˇ نسل خوشکا بوندرد و اي بلا جک و جۊنورˇسرأم أمأندره. رؤخونه'ن وضع دئه بدتره، ايشۊنˇ کم آبي به جهنم ايشنه آلۊدگي ئه بأ چي کۊدن؟ هيکس م داد فأرس نيه و مسئۊلينˇ بي مسئۊل خۊره هچي گب زنده کي ال کۊنيم و بل کۊنيم. انزلي جي أم خبر هنأ کي انزي سل چيزي نمؤنسه باطله' ببي، اينم مسئولينˇ تؤخم*. ىروز بدئى سلˇ جيگاسر ويلا بساتئد.

*

*نه روحيه لؤمپني دأنم و نه لؤمپن گرايي علاقه مند، چيزي کي ايرۊزن خئلي بازار دأنه. منتها هرجا کي بئينأم يکته عبارت بهترين شکل مفهومه رسأنه، حتمن استفاده کونمه. ۱۵۸۸, اسفندارˇما, ۱۰